Running the FinOps Team
LESSON 2 OF 3
Overview
FinOps အယူအဆများနှင့် မော်ဒယ်များကို ထိထိရောက်ရောက် အသုံးချပြီး FinOps ၏ စည်းကမ်းနှင့် FinOps အဖွဲ့ကိုယ်တိုင်၏ စီမံခန့်ခွဲမှုကို အာရုံစိုက်ရန် အရေးကြီးပါသည် ။ ဘဏ္ဍာရေးဆိုင်ရာ လုပ်ငန်းဆောင်ရွက်မှုများတွင် အကောင်းဆုံးအလေ့အကျင့်များကို အကောင်အထည်ဖော်ခြင်း ၊ ရှင်းလင်းပြတ်သားပြီး ထိရောက်သော အစီရင်ခံဖွဲ့စည်းပုံများကို သေချာစေရန်နှင့် ဌာနဆိုင်ရာများအကြား ပူးပေါင်းဆောင်ရွက်မှုများ မြှင့်တင်ခြင်းတို့ ပါဝင်သည် ။ တစ်ချိန်တည်းတွင် ဆက်လက်လေ့ကျင့်ပေးခြင်း ၊ ပံ့ပိုးကူညီမှုနှင့် စည်းလုံးညီညွတ်သောအဖွဲ့ကို ထိန်းသိမ်းခြင်းဖြင့် အဖွဲ့စီမံခန့်ခွဲမှုကို ဦးစားပေးလုပ်ဆောင်ရပါသည် ။ FinOps ၏ မဟာဗျူဟာပန်းတိုင်များကို အာရုံစူးစိုက်မှုရှိသောအဖွဲ့စီမံခန့်ခွဲမှု နှင့် ချိန်ညှိခြင်းအားဖြင့် သင်သည် အကောင်းဆုံးစွမ်းဆောင်ရည်နှင့် စဉ်ဆက်မပြတ်အောင်မြင်မှုကို ရရှိနိုင်ပါသည် ။
Understanding Types of Work Performed
Cloud ကိုအသုံးပြုနေပြီး နည်းပညာများတိုးတက်ပြောင်းလဲလာသည်နှင့်အမျှ FinOps Team ၏ အလုပ်သဘောသဘာဝသည် နေ့စဉ်နှင့်အမျှ ကွဲပြားလိမ့်မည် ။ အခန်းကဏ္ဍများ ၊ တာဝန်များ ၊ လုပ်ငန်းစဉ်များ နှင့် လုပ်ငန်းတာဝန်များကို ထိထိရောက်ရောက် စီမံခန့်ခွဲရန် ၊ အလုပ်အသွားအလာ အမျိုးအစားတစ်ခုစီအတွက် အချိန်နှင့် အရင်းအမြစ်များကို သင့်လျော်စွာ ခွဲဝေပေးရန် အရေးကြီးပါသည် ။ ၎င်းသည် အဖွဲ့အစည်းအား အရေးပေါ်ပြဿနာများကို ဆောလျင်စွာဖြေရှင်းနိုင်စေရန် ၊ နေ့စဉ်လုပ်ငန်းဆောင်တာများကို ထိန်းသိမ်းရန် နှင့် စီစဉ်ထားသော အစပျိုးမှုများကို လုပ်ဆောင်နိုင်စေရန် သေချာစေသည် ။
Running a FinOps Team
FinOps အဖွဲ့ကို လုပ်ဆောင်ရာတွင် FinOps ၏ အကျိုးကျေးဇူးများကို သက်ဆိုင်သူများထံ ထိထိရောက်ရောက် ဆက်သွယ်ပြောဆိုရန် နှင့် ခိုင်မာသော အလေ့အကျင့်တစ်ခုကို ထူထောင်ရန် လိုအပ်ပါသည် ။
Operating the Team as a Team
KPIs နှင့် တာဝန်များပါရှိသော FinOps အဖွဲ့အား စည်းလုံးညီညွတ်သောယူနစ်အဖြစ် ဦးစားပေးလုပ်ဆောင်ရပါမည် ။ လိုအပ်သည့်အချိန်လောက်သာ FinOps Team အဖြစ်လည်ပတ်နေမည့်အစားပိုမိုစွမ်းဆောင်ရည်ပြည့်၀သောပိုမိုလေးနက်သော FinOps Team အဖြစ်လုပ်ဆောင်ပါက Team သည်ပိုမိုပြည့်စုံပြီး ရေရှည်အကျိုးကျေးဇူးများ ရရှိနိုင်ပါသည် ။
Have a FinOps Leader
အဖွဲ့အစည်းအတွင်း FinOps အလေ့အကျင့်များကို အောင်မြင်စွာလုပ်ဆောင်ခြင်းနှင့်အကောင်အထည်ဖော်ခြင်းတို့အတွက် သီးသန့် FinOps ခေါင်းဆောင်ကို ခန့်အပ်ရပါမည် ။ ဤခေါင်းဆောင်သည် အဖွဲ့အစည်း၏ Cloud အသုံးပြုမှုကို ပိုမိုကောင်းမွန်အောင်ပြုလုပ်ရန်နှင့် FinOps အဖွဲ့၏အောင်မြင်မှုကို အာမခံရန်အတွက် အနီးကပ်တာဝန်ယူမည်ဖြစ်သည် ။ FinOps Certified Professional အသိအမှတ်ပြုလက်မှတ်ကို ရယူထားခြင်းသည် FinOps ပဏာမခြေလှမ်းကို ထိရောက်စွာမောင်းနှင်နိုင်ရန် ခေါင်းဆောင်အား လိုအပ်သောကျွမ်းကျင်မှုနှင့် အသိပညာများ ဖြည့်ဆည်းပေးသည့် အကောင်းဆုံးနည်းလမ်းတစ်ခုဖြစ်သည် ။ FinOps ခေါင်းဆောင်ရှိခြင်းသည် Cloud ဘဏ္ဍာရေးစီမံခန့်ခွဲမှုတွင် အာရုံစိုက်ကြီးကြပ်မှုနှင့် စဉ်ဆက်မပြတ်တိုးတက်မှုကို သေချာစေသည် ။
Work the FinOps Capabilities, Mature Functionality, Bring Value
FinOps အဖွဲ့သည် FinOps စွမ်းဆောင်ရည်များကို လုပ်ဆောင်ရန်သာမက အဖွဲ့အစည်းအတွင်း ၎င်း၏ စွမ်းဆောင်ရည်နှင့် တန်ဖိုးများကို စဉ်ဆက်မပြတ် ရင့်ကျက်စေရန် ရည်မှန်းထားသင့်သည် ။ မိမိ၏ FinOps Team အတွင်း အချိန်ကြာလာသည်နှင့်အမျှ အကောင်အထည်ဖော်မှုအတွက်အချိန်လိုအပ်မှု နှင့် ပိုမိုကျယ်ပြန့်သော အစုအဖွဲ့များ၏ပါဝင်ပတ်သက်မှု စသည့်ဖြင့် ပိုမိုရှုပ်ထွေးသောစိန်ခေါ်မှုများကို ရင်ဆိုင်ရမည်ဖြစ်သည် ။ ထို့ကြောင့် FinOps Team စတင်ချိန်ကတည်းက Cloud အသုံးပြုခြင်းအတွက် ပေးဆောင်သည့်တန်ဖိုးကို အာရုံစိုက်ပါ ၊ ဖန်တီးထားသော လုပ်ငန်းများ၏ ရေတို နှင့် ရေရှည်တန်ဖိုးကို ထည့်သွင်းစဉ်းစားခြင်းဖြင့် လုပ်ဆောင်ချက်များ၏ အကျိုးသက်ရောက်မှုကို ပုံမှန်အကဲဖြတ်ပါ ။ Cloud Engineer များ၏စွမ်းဆောင်ရည် ၊ ဝန်ထမ်းခန့်အပ်မှု နှင့် Cloud တွင် အပလီကေးရှင်းများ ရွှေ့ရန် သို့မဟုတ် တည်ဆောက်နိုင်မှုစွမ်းရည်တို့ကို တိုးတက်အောင် သင်မည်ကဲ့သို့ လွှမ်းမိုးနိုင်သည်ကို မိမိကိုယ်ကို အကဲဖြတ်ပါ ။ ဤတန်ဖိုးများကို တစိုက်မတ်မတ် အလေးထားပြီး ခြေရာခံခြင်းဖြင့် FinOps အဖွဲ့သည် စဉ်ဆက်မပြတ် တိုးတက်မှုနှင့် ဆက်စပ်မှုကို သေချာစေနိုင်သည် ။
Prioritization & Triage FinOps
မိမိ FinOps Team အတွင်းတွင် Triage သို့မဟုတ် ဦးစားပေးမှုပုံစံကို အစောပိုင်းတွင် စတင်ရန် အရေးကြီးပါသည် ။ ထပ်ခါထပ်ခါဖြစ်နေသော အလုပ်များအကြား "ငါဘာဆက်လုပ်ရမလဲ" မိမိကိုယ်ကို မကြာခဏမေးပါ ။ ထို့နောက် အကြီးမားဆုံး လုပ်ငန်းတန်ဖိုးမြှင့်တင်ပေးမည့် အလုပ်များကို ဦးစားပေးလုပ်ဆောင်ပါ ။ သင့် FinOps Team ဒေတာတွင် သာလွန်သော ကုန်ကျစရိတ် သို့မဟုတ် ပြဿနာများကို အာရုံစိုက်ရန် Pareto Principle သို့မဟုတ် 80/20 စည်းမျဉ်းကို အသုံးပြုပါ ။ သင်၏ကြိုးပမ်းအားထုတ်မှုများသည် အဖွဲ့အစည်း၏ဘဏ္ဍာရေးဆိုင်ရာစွမ်းဆောင်ရည်အပေါ် အမြင့်ဆုံးအကျိုးသက်ရောက်မှုဖြစ်စေကြောင်း သေချာစေပါသည် ။
Last updated
